یاریدەدەری باڵای وەزیری دەرەوەی کۆماری ئیسلامی ئێران لە کاروباری سیاسی دوای چوونی بۆ ناو دیمەشق لە گەڵ بەشار ئەسەد سەرۆک کۆماری سووریا دیدار و وتووێژی کرد .

حسین جابری ئەنساری وتووێژکاری باڵای ئێران لە وتووێژەکانی نێونەتەوەیی ئاشتی سووریا هەروەها بڕیارە ئەمڕۆ دووشەمە  لە گەڵ بەرپرسانی پلەبەرزی  سووریا سەبارەت بە دوایین ڕووداوە ناوچەیی و نێونەتەوەییەکانی هاوپەیوەەند بە قەیرانی سووریا بیروڕا بگۆڕنەوە . یاریدەدەری باڵای وەزیری دەرەوەی ئێران لە کاروباری سیاسی  لە وتووێژ لە گەڵ ئیرنا لە دیمەشق  وتی : پەلاماری ئەم دواییەی  ئەمریکا ئینگلیز و فەڕانسا  بۆ سەر سووریا هیچ کاریگەریەکی لە سەر ڕەوتی ڕووداوەکان لە گۆڕەپانە  سەربازی و سیاسیەکانی  ئەو وڵاتە نیە . ئەمریکا هاوڕێ لە گەڵ فەڕانسا و بریتانیا سەرلەبەیانی شەمە 14 ئاوریل  بە بیانووی پەلاماری کیمیایی لە دومای سووریا  زیاتر لە 100 مووشەکیان بەره و ناوچە جۆراوجۆرەکانی سووریا هاویشت . حسین جابر ئەنساری ڕایگەیاند : ئەو سێ وڵاتە خۆیان بە بڕیاردەر لە جیاتی  وڵاتانی جیهان دەزانن و ئامانجگەلی  سیاسی تایبەت  بە بیانووی مافی مڕۆڤ پێ و شۆێن دەگرن کە بە هیچ لەونێک بو هیچ وڵاتێک قەبووڵکراونیە . جێگری وەزیری دەرەوەی ئێران بە هیواداری دەربڕین بۆ بە ئاکام گەیشتنی  هەوڵە دیپلوماتیکەکان بۆ وێنە ڕەوتی ئاستانە جەختی کرد : کۆماری ئیسلامی ئێران خوازیاری  گەڕانەوەی  ئاسایش و سەقام بۆ هەموو ناوچەکانی سووریا بە پاراستنی یەکگرتوویی  سەروەری خاک و دەسەڵاتداریەتی نیشتمانی ئەو وڵاتەیە .