پێشوازیی دیمەشق لە بەشداریی ئێران لە قۆناغی بنیاتنانەوەی سووریا
سەرۆک وەزیرانی سووریا لەدیداری "عەباس ئاخووندی" وەزیری ڕێگاوبان خانووبەرەو شارسازیی ئێران لە دیمەشق جەختی کرد: دیمەشق پێشوازی دەکات لە بەشداریی ئێران لە قۆناغی بنیاتنانەوەی سووریا.
بە پێی ڕاپۆرتی ئیرنا؛ "عماد خەمیس" سەرۆک وەزیرانی سووریا هەروەها بە خۆشحاڵی دەربڕین بەرامبەر بە ئاستی باش و بانی پێوەندیی سیاسی نێوان دیمەشق و تاران ، جەختیشی کرد لە سەر پێویستیی پەرەپێدان و بەرزتر کردنەوەی ئاستی سات و سەودای بازرگانی نێوان دوو وڵات.
وەزیری ڕێگاوبان، خانووبەرە و شارسازیی ئێرانیش لەم دیدارەدا ڕاشکاوانە ڕایگەیاند هەر دوو بەشی نادەوڵەتی و دەوڵەتیی ئێران ئامادەی بەشداریی بەربڵاو لە قۆناغی بنیاتنانەوەی سووریان.
"عەباس ئاخووندی" هەروەها جەختی کرد لە سەر پێویستیی داڕشتنی پلانێکی ڕاستینە بە مەبەستی جێبەجی کردنی گەڵاڵە مۆر کراوەکانی نێوان دوو لایەن و پێداچوونەوە بە سەر ژمارێک لە یاسا و ڕێساکان و پێکهێنانی لێژنەی پێ و شوێنگرتن و چاوەدێری بە سەر جێبەجێ کرانی ڕێککەوتننامە درێژماوەکان.
وەزیری ڕێگاوبان، خانووبەرە و شارسازیی کۆماری ئیسلامیی ئێران سەر لە بەیانی پێنجشەممە لەسەروی شاندێکی باڵاوە بۆ پەرەپێدانی هاوکاریی ئابووریی نێوان ئێران و سووریا گەیشتە دیمەشق.
