سەرچاوە میدیاییەکان باسی ھەڵکشانی ژمارەی لەشکریانی ئەمریکییان کردووە لە گەورەترین ھەرێمی گازیی سووریا بۆ تاڵان و بڕۆی زیاتری سەرچاوەکانی ئەم وڵاتە.

ھەواڵدەریی سپۆتنیک ئێوارەی ڕۆژی دووشەممە بە گێڕانەوە لە سەرچاوە خۆجێییەکان ڕایانگەیاند: ئەمریکا زیاتر لە ٣٠ گەڵابەی ھەڵگری چەکەمەنی، تەقەمەنی و کەرەستەی ھەڵێنجاندنی نەوتی گواستووەتەوە بۆ ھەرێمی گازیی «کۆنیکۆ» لە ڕۆژھەڵاتی سووریا.

بە پێی ڕاپۆرتی شپۆتنیک، لەشکریانی ئەمریکی خەریکی ڕاھێنانی چەکدارانی سەربەخۆیانن لەم ناوچەیەدا ھەتا بۆ تاڵان و بڕۆی سەرچاوە نەوتییەکانی سووریا و گواستنەوەی بۆ وڵاتی عێراق بەکاریان بھێنن.

سەرچاوەکانی ڕۆژھەڵاتی سووریا تژییە لە سەرچاوەی نەوتی و ھەواڵدەرییەکانی سووریا پێشتریش گەلێک جار لە بارەی دزرانی ئەم سەرچاوە نەوتیانەی وڵاتەکەیان لە لایەن ئەمریکاوە وشدارییان داوە.