سەرچاوە ھەواڵییەکان باسی ھێرشی موشەکی بۆ سەربنکەی لەشکریاانی ئەمریکییان کردووە لە «دێرۆزوور»ی سووریادا.

ھەواڵدەریی یۆنیوز ڕۆژی پێنج شەممە ڕایگەیاند: چەندین موشەک مۆڵگەی لەشکریانی ئەمریکایان لە نزیکی کۆمپانیای گازی «کۆنیکۆ» لە گردوپەڕی باکووری «دێرۆزوور» لە ڕۆژھەڵاتی سووریا کردە ئامانج.

کەناڵی تەلەفزیۆنیی «ئەلتیجاە»ی عێراقیش ڕایگەیاند: لە ھێرشی سەر بنکەی لەشکریانی ئەمریکی چەند سەربازی ئەمریکی بریندار بوون و گوێزرانەوە بۆ نەخۆشخانە.

لە ماوەی مانگەکانی ڕابردووش دا چەندین جار بە موشەک و ھاوەن ھێرش کراوەتە سەر ئەم بنکەیە کە ناوەندی سەرەکیی مارێنزەکانی ئەمریکا لە «دێرۆزوور»دا دێتە ئەژمار.