روسیا : تیرۆریستان خەریکی پلانداڕشتن بۆ ئەنجامدانی پەلاماری شیمیایی لەئیدلبن
May 24, 2021 07:21 Asia/Tehran
ناوەندی ئاشتیی روسیا لە سوریا باسی ئامادەبوونی تیرۆریستانی کرد بۆ ئەنجامدانی پەلاماری شیمیایی نوێ لە پارێزگەی ئیدلبی باکووری سوریا .
بە پێی راپۆرتی هەواڵدەریی فارس ، دەریاڤان ئەلکساندەر کارپۆف جێگری سەرۆکی ناوەندی ئاشتیی روسیا لە سوریا شەوی رابردوو رایگەیاند ، تیرۆریستان خەریکی ئامادەبوون بۆ ئەنەجامدانی پەلامارێکی شیمیایی نوێ لەپارێزگەی ئیدلبن لە سەروبەندی بەڕێوەچوونی هەڵبژادنی سەرۆک کۆماریی سوریا .
بە پێی راگەیاندنی کارپۆف ، تیرۆریستانی بەرەی نوسرە و کڵاوسپیەکان ، لەم دواییانەدا 6 کانتینەری هەڵگری مادەی ژاراوی و شیمیاییان کە لەوانەیە گازی کۆلۆربێ ، بۆ ناوچەی جسر شغوور لە پارێزگەی ئیدلب گواستووەتەوە .
هەڵبژاردنی سەرۆک کۆماریی سوریا بڕیارە رۆژی 25 ی ئایار( سبەی سێشەممە) بەڕێوەبچێت .
