لە تۆپبارانی ھێزەکانی سەر بە تورکیا ، 3 کەس لە پارێزگەی حەڵەب کوژران
شوبات 16, 2022 12:58 Asia/Tehran
شەوی رابردوو ناوەندی شارۆچکەی ئەعزاز لەسنوری پارێزگای حەلەب تۆپبارانکرا و لە ئەنجامدا سێ کەس کوژران و 10 کەسی دیکەش برینداربوون.
ئاژانسی هەواڵی باکور (NPA) بڵاویکردەوە، شەوی رابردوو لەلایەن هێزەکانی تورکیا و گروپە چەکدارەکانی ئۆپۆزسیۆنی سوریاوە، ناوەندی شارۆچکەی ئەعزاز لەسنوری پارێزگای حەڵەب تۆپبارانکراوە.
بەگوێرەی ئامارە سەرەتاییەکان لە بۆردومانەکەدا سێ کەس گیانیان لە دەستداوە و 10 کەسی دیکەش برینداربوون.
شەوی 13ی ئەم مانگەش سنوری چەند گوندێکی ناحیەی عەین عیسا و رێگەی نێودەوڵەتی ناسراو بە M4 لە کوردستانی سوریا تۆپباران کران، لە ئەنجامیشدا کەسێک کوژرا.
