میدیا سوریەکان رایانگەیاند ، هەواڵی هەوڵی کوشتنی سەرۆکی ئەم وڵاتە لە کاتی نوێژی جەژنی رەمەزان بە دوورە لە راستیی .

هەندێ سەرچاوەی میدیایی ئەمڕۆ بەیانیی لە هەواڵێکی بەپەلەدا رایانگەیاند هەوڵی تیرۆری بەشار ئەسەد سەرۆکی سوریا دراوە لە کاتی ئامادەبوونی لە مزگەوتی ئەلحەسەن .

ماڵپەڕی ئەلوەتەنی سوریا ئەمڕۆ نیوەڕۆ دەنگوباسی هەوڵی ناکامی تیرۆرکردنی سەرۆکی ئەم وڵاتەی بە دەنگۆ زانی .

 ئەوە لە کاتێکدایە کە هەواڵدەریی فەرمیی سوریا ( سانا ) ش هیچ هەواڵێکی لە بارەی هەوڵدان بۆ کوشتنی بەشار ئەسەد بڵاونەکردووەتەوە .