توڕەیی ڕژێمی زایۆنی لە بەشداریی "بەشار ئەسەد" لە کۆبوونەوەی سەرۆکانی کۆمکاری عەرەب
May 21, 2023 04:07 Asia/Tehran
ڕژێمی زایۆنی کاردانەوەی نیشاندا بەرامبەر بە کۆبوونەوەی ئەم دواییەی سەرۆکانی کۆمکاری عەرەب لە شاری جەددەی عەرەبستان کە بە بەشداریی بەشار ئەسەد سەرۆک کۆماری سووریا بەڕێوە چوو.
بە پێی ڕاپۆرتی کەناڵی ئەلجەزیرە، کەناڵی ١٢ی تەلەفزیۆنی زایۆنی ڕایگەیاند: ئیسرائیل لە پەیامێکدا بۆ کۆمەڵگەی نێودەوڵەتی ڕایگەیاندووە کە گەڕانەوەی سوریا بۆ کۆمکاری عەرەبی قەت هێرشەکانی بۆ سەر ئەو وڵاتە لە کاتی پێویست دا ڕاناگرێت.
ئەم کەناڵە زایۆنییە وتیشی: دەسەڵاتدارانی ئیسرائیل ڕایانگەیاندووە کە ئۆپەراسیۆنەکانیان لە کاتی پێویست دا لە سوریا بەردەوام دەبێت.
سەرەتای ئەم مانگە کۆمکاری عەرەب ڕەزامەندیی دەربڕی لەسەر گەڕانەوەی سوریا بۆ ناو هاوپەیمانییەکە و کۆتایی بە دابڕانی ١٢ ساڵەی دیمەشق هێنا کە لە سەرەتای قەیرانی سوریاوە دەستیپێکردبوو.
