هەسەدە کوشتنی ژمارەیەک چەکداری سەربە تورکیای راگەیاند
ناوەندی ڕاگەیاندنی هه سه د ، ئاماری چالاکییەکانی ٢٤ کاتژمێری ڕابردووی دژی هێرشەکانی تورکیا بڵاوکردەوە.
هەسەدە لە ڕاگەیانراوێکدا دەڵێت هێزەکانمان لە گوندەکانی باکووری بەنداوی تشرین لە باشووری ڕۆژهەڵاتی منبج ئۆپەراسیۆنێکیان ئەنجامدا و خاڵێکی کۆبوونەوەی چه کدارانی سەر بە دەوڵەتی داگیرکەری تورکیان کردە ئامانج، لە ئەنجامدا کوژراو و برینداریان زۆر بوو، بەڵام ژمارەیان نەزانراوە.هاوکات، فڕۆکەی جەنگی و بێفڕۆکەوانی دەوڵەتی تورکیه بەردەوام بۆردوومانی دەوروبەری بەنداوی تشرین و شوێنی حەوانەوەی کرێکارانی کردە ئامانج"."لە گوندی خەربەت تیونی دەوڵەتی تورکیه بە فڕۆکەی بێ فڕۆکەوان هێرشی کردە سەر خاڵێکی هێزەکانمان، لە ئەنجامدا که سیکمان کوژرا یه کی دیکە ش برینداربوو. هاوکات فڕۆکە جەنگییەکانی دەوڵەتی تورکیا لە کۆبانی هێرشیان کردە سەر کێڵگەی ئەحمەد مونیرو زیانێکی زۆربووە، هەروەها چەکدارەکانی سەر بە تورکیا گوندەکانی بەیادە، جەبنایان لە ڕۆژئاوای کۆبانی بە تۆپی قورس کوتا، بەڵام هیچ زیانێک نەکەوتووتەوە".
