تورکیا رێگری لە رێککەوتنی هەسەدە و دیمەشق دەکات
بەڕێوەبەری ناوەندی ڕاگەیاندنی هێزەکانی سوریای دیموکرات، ڕایگەیاند، ئەنقەرە هەوڵدەدات ڕێگری لە "دیالۆگی ئەرێنی" لەنێوان کوردو دیمەشقدا دروست بکات، ئاماژەی بە فشارەکانی تورکیا بۆ سەر حکومەت لە دیمەشق کرد
فەرهاد شامی دەڵێت "گفتوگۆکان لەگەڵ دیمەشق بەردەوامن و بەسوود و پێویستن، ئێمە کاردەکەین بۆ ئەوەی ئەم گفتوگۆیانە بکەینە زنجیرەیەک، بەدوای ڕێزگرتنی یەکتردا دەگەڕێین، بۆ گەیشتن بە ئاشتی و سەقامگیری پێویست”.بەڕێوەبەری ناوەندی ڕاگەیاندنی هەسەدە رونیکردەوە "بێگومان لایەن هەن کە حەزیان لەم دیالۆگانە نییە و کار بۆ تێکدانیان دەکەن. ئێمە لە قۆناغێکی پێشکەوتوودا بووین بۆ چارەسەرکردنی کێشەکانی پەیوەست بە گەڕەکەکانی زۆرینەی کورد لە حەلەب، ئیدارەی دیمەشقیش بەو گفتوگۆیە ڕازی بوو و خاڵەکانی ڕێککەوتنەکە بەهێز بوون لەگەڵ ئەوەشدا بەپێی ئەوەی پێمان گەیشتبوو، تورکیا دەستوەردانی کرد و ڕێگری لە واژۆکردنی ڕێککەوتننامەی نێوان ئێمە و دیمەشق کرد".
