سکرتێری گشتیی ڕێکخراوی لێبوردنی نێودەوڵەتی: دیموکراسی لە سوریادا بوونی نییە
تشرینی دووه‌م 30, 2025 18:10 Asia/Tehran
سکرتێری گشتی ڕێکخراوی لێبوردنی نێودەوڵەتی ڕایگەیاند کە ئێستایش هەر دیموکراسی لە سوریادا بوونی نییە.
ئەگنێس کالامار وتی کە بەرپرسانی سوریا بە وەزیری دادیشەوە، پێیان ڕاگەیاندووە کە سەدان کەس لە زینداندان، وتیشی: پێدەچێت پرۆسەی تۆمەت خستنە پاڵی خەڵک لە سوریا هەر بەردەوام بێت، بۆچی ئەم کەسانە لە زینداندان و کێ دادگاییان دەکات؟بە گوتەی کالامار، چوارچێوەی یاسایی پێویستی بە چاکسازیی بەپەلەیە، چوونکە بەشێک لەو تاوانە تۆقێنەرانە بەپێی پێوەرە نێودەوڵەتییەکان، لە سوریادا وەک تاوان نەناسراون. کالامار جەختی لەوە کردەوە کە زۆر گرنگە کۆمەڵگەی نێودەوڵەتی هەڵوێستێکی یەکلاکەرەوەتر بگرێتەبەر و گوێ لە دەنگی گەلی سوریا بگرێت کە داوای گۆڕانکاری دەکەن. ناوبراو ئاماژەی بەوەشکرد: باروودۆخی سوریا کێشەیەکە بۆ کۆمەڵگەی نێودەوڵەتی کە دەبێت کۆنترۆڵ بکرێت.
