مەزڵوم عەبدی فەرماندەی گشتی هێزەکانی سوریای دیموکرات لەگەڵ نورەدین ئەحمەد پارێزگاری حەسەکە کۆبووەوە.

بەگوێرەی سەرچاوەکان؛ لە کۆبونەوەکەدا تاوتوێی چۆنێتی چارەسەرکردنی قەیرانی سوتەمەنی و بەرزبوونەوەی نرخەکەی کراوە. هەروەها لەو کۆبونەوەیەدا تاوتوێی رەوشی کارەبا و وزە و ئاو و پێشەشکردنی باشترین خزمەتگوزاری بەهاوڵاتیان کراوە بەتایبەت دوای بەرزبوونەوەی نرخی سوتەمەنی.  فەرماندەی گشتی هێزەکانی سوریای دیموکرات  پشتیوانی تەواوی بۆ پارێزگاری حەسەکە دەربڕی لەدانانی رێوشوێنێکی پێویست بۆ زیادکردنی سەقامگیری لەبوارەکانی سوتەمەنی و باشکردنی گوزەرانی هاوڵاتیان.