یاریدەری سیاسیی وەزیری دەرەوەی ئێران بۆ بەڕێوەچوونی شەشەمین خولی وتووێژە سیاسییەکانی ئێران و فەڕانسە، ئەمڕۆ دووشەممە بەرەو پاریس کەوتەڕێ.

بەپێی ڕاپۆری هەواڵدەریی ئیرنا، لە چوارچێوەی ڕاوێژکاریی بەردەوامی تاران-پاریس، شەشەمین خولی وتووێژە سیاسییەکانی ئێران وفەڕانسە سبەی(سێ شەممە) لەنێوان سەید"عەبباس عێراقچی" یاریدەری سیاسیی وەزیری دەرەوەی ئێران و "گۆردۆ مۆنتاین" سکرتێری گشتیی وەزارەتی دەرەوەی فەڕانسە بەڕێوە دەچێ.

پێنجەمین خولی وتووێژی سیاسیی ئێران و فەڕانسە، بیستی ژۆئەنی٢٠١٨ لەتاران بەڕێوە چوو.

یاریدەری سیاسیی وەزیری دەرەوەی ئێران٢٨ی ژانڤییەی٢٠١٩ش بۆ ئەنجامدانی ڕاوێژکاریی سیاسی لەگەڵ بەرپرسانی سێ وڵاتی ئوروپایی ئۆتریش، سلۆڤاکی و بولغارستان سەردانی ئەو وڵاتانەی کرد.