جەهانگیری : ئێران لەهێچ وڵاتێکی جیهان فەرمان وەرناگرێ
یاریدەری یەکەمی سەرۆکی کۆماری ئیسلامیی ئێران وتی: گەلی ئێران لە چل ساڵی ڕابردوودا دەریخست کە لەهیچ وڵاتێک فەرمان وەرناگرێ و توانیویەتی بەسەر هەموو دژوارییەکاندا تێپەڕێ.
بەپێی ڕاپۆری ئاژانسی هەواڵیی ڕادیۆ وتەلەفزیۆنی ئێران، "ئیسحاق جەهانگیری" یاریدەری یەکەمی سەرۆکی کۆماری ئیسلامیی ئێران ئەمڕۆ دووشەممە لەنێو ئامادەبووانی ڕێپێوانی بیست و دووی بەهمەن لە شیراز هەڵکەوتوو لەناوەندی پارێزگای فارس، و لەباشوری ئێران، وتی: گەلی ئێران لەهەوڵی سەربەخۆیی، ئازادی، عەداڵەت، پێشکەوتن و گەشەی هەمەلایەنە دایە.
جەهانگیری وتی: ئەمریکییەکان لەوەی کە ئێرانی مەزنیان لەدەست دا ، توڕەن و لەوەی کە ئێرانی بەهێز لەکەنداوی فارس بووە بە مۆدێلی سەربەخۆیی وئازادی، ڕەنج دەکێشن.
یاریدەری یەکەمی سەرۆکی کۆماری ئیسلامیی ئێران وتی: دوژمن لەهەوڵی برەوپێدانی بێهیوایی، نائومێدی، و بێ متمانەیی لەنێو خەڵکی ئێرانە بەڵام حکومەت، گەل و بەرپرسانی کۆماری ئیسلامیی ئێران لەهەمبەر بایکۆتی زاڵمانەی دوژمندا ڕاوەستاون و بەکەڵک وەرگرتن لە تواناکانی وڵات، دواڕۆژێکی ڕوون بەدی دێنن.
