رێوڕەسمی تازیەداریی ئێوارەی غەریبانی سەروەری شەھیدان حەزرەتی ئیمام حسێن (ع) و یارانی ئەمەگناسی بە ئامادەبوونی رابەری باڵای شۆڕشی ئیسلامیی لە حسێنیەی ئیمام خومەینی بەڕێوەچوو .

لەم ڕێورەسمەدا حوجەتولئیسلام عالی ، لە وتەگەلێکدا ، یەکێک لە بەرنامەکانی شەیتان و لایەنەکانی سەر بەوی نەھێشتنی کۆمەڵگەی باوەڕداران و بڕینی پێوەندیی ئیمانیی نێوان ئەوان زانی و گوتی : ھەرچی سیفاتی ھەڵکەوتەی وەکوو ھاریکاری و فێداکاری و ھاوخەمی و ھەست کردن بە بەرپرسایەتی و دلۆڤانی بۆ یەکتر لە کۆمەڵگەی ئیسلامی دا زیاتر بێ ، ئەو کۆمەڵگایە لە خۆپەرستی دوور دەکەوێتەوە . 

 لەم رێوڕەسمەدا ئامادەبووان لە ماتەمی ئیمام حسێن (ع) و ھاوڕێیانی ئەمەگناسی تازیەداریان کرد  و شینیان گێڕا.