ھەژماری توییتێرەکەی ڕێبەری مەزنی شۆڕشی ئیسلامی لە کاردانەوەیەک دا بەرامبەر بە سازانی ھێندێک لە واتانی عەرەبی لەگەڵ ڕژێمی زایونی نووسی: گەلانی موسڵمان سەرشۆڕیی ساران و ڕێککەوتن لەگەڵ ڕژێمی زایونی ھەرگیز قەبوڵ ناکەن.

ھەژماری توییتێرەکەی ڕێبەری مەزنی شۆڕشی ئیسلامی لەم پەیامەدا کە ئێوارەی ڕۆژی سێ شەممە بڵاو بووەوە، جەختی لەوەش کردووەتەوە کە، ھەر ڕژێمێک کە بۆ دانوستان لەگەڵ ڕژێمی داگیرکەری زایونی لە پشت مێزی وتووێژ دابنیشێت، جێ و شوێنی لەنێو گەلەکەی دا لەق دەبێت.

لە درێژەی ئەم پەیامەدا ھاتووە، ئەمریکییەکان ئەگەر پێیان وایە کە کێشەی ناوچەکە ئا بەمجۆرە چارەسەر دەکرێ، ھەڵە دەکەن.

دوێنێ سێ شەممە بۆ یەکەمجار شاندێکی فەرمی لە لایەن ئیماراتەوە بە ئەندامەتیی کۆمەڵێک لە کاربەدەستانی ئەو وڵاتە لەوانە «عەبدوڵڵا بن تەوق» وەزیری ئابووریی ئەو وڵاتە سەردانی ڕژێمی زایونیی کرد.