سەرکەوتوو بوونی یەکەم قۆناغی تاقیکردنەوەی مرۆڤیی ڤەکسینەکەی ئێران و کوبا
ڕاوێژکاری وەزیری تەندروستی و فێرکاریی پزیشکیی ئێران باسی سەرکەوتوو بوونی یەکەم قۆناغی تاقیکردنەوەی ڤەکسینە دژی کۆرۆناکەی ئێران و کوبا لە سەر مرۆڤی کردووە.
«عەلیڕەزا وەھاب زادە» ڕاوێژکاری وەزیری تەندروستی و فێرکاریی پزیشکیی ئێران ڕۆژی یەکشەممە لە تۆڕە کۆمەڵایەتییەکاندا نووسی: ڤەکسینە دژی کۆرۆناکەی بەرھەمی ھاوبەشی ئەنستیتۆی «پاستۆر»ی ئێران و کوبا قۆناغی یەکەمی تاقیکردنەوە لەد سەر مرۆڤی بە سەرکەوتوویی وەپشت سەر ناو قۆناغی دووھەمیش لە کوبادا خەریکە ئەنجام دەگرێت و بەم زووانە یەکلایی دەبێتەوە.
ڕاوێژکاری وەزیری تەندروستی و فێرکاریی پزیشکیی ئێران جەختی لەوەش کردەوە کە، بە ھەوڵ و تێکۆشانی ئەنستیتۆی «پاستۆر» ڤەکسینە دژی کۆرۆناکەی بەرھەمی ھاوبەشی ئێران و کوبا لە درێژەی ھاوکارییەکانی پێشوو لەنێوخۆی ئێران بەرھەم دەھێندرێت.
دامەزراوەیەکی مێژینەو ناوداری کوبا لە بواری چێکردنی ڤەکسین بە ھاوبەشیی ئەنستیتۆی «پاستۆر»ی ئێران بەرھەمھێنانی ڤەکسینی کۆرۆنای خستووەتە نێو بەرنامەی کاروچالاکییەکانی خۆیەوە.
