یاریدەری وەزیری دەرەوە: ئێران بە کۆمەڵێک پێشنیاری سازندەوە ڕووی لە دانوستانەکانی ڤییەنا کردووەتەوە
یاریدەری وەزیری دەرەوەئێران وتی: ئێران بە کۆمەڵێک پێشنیاری بەکەڵک و سازندەوە ڕووی لە خولی تازەی دانوستانەکانی ڤییەنا کردووەتەوە.
«عەلی باقڕیی کەنی»، یاریدەری سیاسی و دانوستانکاری باڵای ئێران لە دانوستانەکانی ڤییەنا ڕۆژی سێ شەممە دوای دیدار لەگەڵ کاربەدەستانی ڕوسی لە مۆسکۆ بە دەربڕینی ئەمەی کە پەیوەندییەکانی ئێران و ڕووسیا ھەڵکەوتەیەو لە بواری جۆربەجۆریش دا بەردەوام دەبێت، وتی: ئێران لە بارەی ھێندێک بابەتی جۆربەجۆرەوە لەگەڵ ڕووسیا ڕاوێژ دەکات و سەبرەت بە دانوستانەکانی ڤییەناش لەگەڵ کاربەڕدەستانی ڕووسی خەریکی ڕاوێژ کردنە.
باقڕیی کەنی وتیشی: لە خولی تازەی دانوستانەکانی ڤییەناش لە ڕێگای جۆربەجۆرەوە لەگەڵ ڕووسیاو چین ڕاوێژ کراوە.
دانوستانکاری باڵای ئێران جەختی لەوەش کردەوە، لە خولی تازەی دانوستانەکان دا کۆماری ئیسلامی ئێران کۆمەڵێک پێشنیاری بەکەڵک و سازندەی لە دوو بواری ھەڵگیرانی بایکۆتەکان و ھەنگاوی ناڤۆکی ئاراستەکردووە کە دەتوانێ دانوستانەکان بە شێوەیەکی بەبڕشتانە بۆ پێشەوە ببات.
