وتەبێژی وەزاڕەتی کاروباری دەرەوەی ئێران هەواڵی دا لە سەفەری وەزیری کاروباری دەرەوەی وڵاتەکەمان بۆ مەسقەت بۆ بەشداری کردن لە خۆلی سێهەمی وتووێژە ناڕاستەوخۆکان لەگەڵ ئەمریکا .

ئیسماعیل بەقایی وتەبێژی وەزاڕەتی کاروباری دەرەوەی ئیران  لە وتووێژ لەگەڵ پەیامنێران ڕایگەیاند سەیید عەباس عەراقچی وەزیری کاروباری دەرەوە پاشنێوەڕووی ئەمڕۆ لە سەرووی شاندێکی دیپلۆماتێک وتەکنیکی - کارناسیی بۆ ئەنجام دانی وتووێژە ناڕاستەوخۆکان لەگەڵ ئەمریکا چووبۆ مەسقەت.

بەقایی بە ئاماژەدان بە ڕێککەوتنی دوو لایەن لەمەڕ بەڕێوەبردنی دانیشتنی تەکنیکی - کارناسیی هاوکات لەگەڵ حوزۆر وبەشداری دانوستانکارانی پلە بەرزی دوو وڵات لە مەسقەت وتی: بە پیی گەڵاڵەڕێژی ئەنجام دراو لەلایەن مێوانداری عومانی وڕێککەوتنی ئێران وئەمریکا، ڕۆژی شەممە دانیشتنی کارناسانە ووتووێژی ناڕاستەوخۆی  وەزیرانی کاروباری دەرەوەی ئێران لەگەڵ نوێنەری تایبەتی سەرۆک کۆماری ئەمریکا بەڕێوەئەچێت.