وتەبێژی وەزارەتی دەرەوە پەلاماری درۆنیی ڕژێمی زایۆنی بۆ سەر گەمیی "ویژدان"ی بە تووندی شەرمەزار کرد کە لە ئاوە نێودەوڵەتییەکانی کەنارەکانی ماڵتاب خەریکی گەیاندنی یارمەتیی خۆراکی و مرۆڤدۆستانە بە کەرتی غەززە بووە.

ئیسماعیل بەقایی بە ئاماژە بە بەردەوامیی ژینۆساید لە کەرتی غەززە لە ڕێگەی بۆردومان و سەپاندنی قات و قڕی و برسێتی بەسەر دانیشتووانی ئەم کەرتە، ڕاشکاوانە رایگەیاند: پەلاماردانی گەمیی"ویژدان"، کە لە درێژەی پلانی کۆمەڵکوژی و قڕکردنی کۆلۆنیالیزمیی گەلی فەلەستین و بە ئامانجی دەستەبەرکردنی بەردەوامیی گەمارۆی خۆراک و دەرمانی خەڵکی بێتاوانی غەززە ئەنجامدراوە، جەنایەتێکی ئاشکرایە دژی گەلی فەلەستین و کردەوەیەکی تیرۆریستییە دژی ئاسایش و سەلامەتی کەشتیوانی و زەریاوانی. بەقایی بە هاودەست و هاوڕێ ناوبردنی ئامریکا و لایەنگرانی دیکەی ڕژێمی زایۆنی لەم تاوانانەدا، داوای لە کۆمەڵگەی نێودەوڵەتی و وڵاتانی ئیسلامی کرد کە بە تووندی ئیدانەی ڕژێمی زایۆنی بکەن و هەوڵ بدەن بۆ کۆتاییهێنان بە بەبێ سزا دەرچوونی کاربەدەستانی  ئەم ڕژیمە و ڕێگا خۆش بکەن بۆ دادگەیی کران و سزادرانیان.