وتەبێژی وەزارەتی دەرەوەی ئێران پێیداگرت: جیهان دەبێت یاساشکێنییە دڕندانەکانی ڕژێمی زایۆنی بوەستێنێت و کۆتایی بێنێت بە لەژێر سزا دەرچوونی جەنایەتکارانی جەنگی و ئەنجامدەرانی جینۆساید.

ئیسماعیل بەقایی بە ڕاگەیاندنی ئەوەی کە پەلاماری درۆنی بۆ سەر کەشتییەکانی هەڵگری یارمەتی مرۆڤدۆستانە بۆ غەززە لە قەراخ ئاوەکانی تونس بە فەرمانی نەتەنیاهۆ ئەنجام دراوە، وتی: "ئەم بابەتە بەڵگەیەکی سەلمێنەری دیکەیە سەبارەت بە بایەخ نەدانی ڕژێمی زایۆنی بە مافی سەروەری و سیادەی وڵاتان، مافە نێودەوڵەتییەکان و هەروەها ژیان و ڕێزی مرۆیی. بەقایی ڕاشیگەیاند: "جیهان دەبێت ئەم یاساشکێنییە دڕندانەیە بوەستێنێت و لەژێر سزادەرچوونی جەنایەتکارانی جەنگ و جینۆساید کۆتایی پێ بێنێت و پاسادەرانی ئەم جەنایەتانە بخاتە بەر لێپرسینەوە و دادگەیی کران.