وەزیری دەرەوەی ئێران سەبارەت بە دانوستان لەگەڵ ئەمریکا وتی: لەبەر سیاسەتەکانی کۆشکی سپی، ئێستا هەلومەرج بۆ دانوستان لەگەڵ ئەمریکا شیاو نیە.

عەبباس عێراقچی وتی: ئێران هیچکات مێزی دانوستانی جێ نەهێشتووە، ئێمە هەردەم بۆ دانوستان بەگوێرەی بەرژەوەندییەکان و ڕێزنانی بەرامبەر، ئامادە بووین بەڵام ئێستا حکومەتی ئەمریکا وەها سیاسەتێک پێوشوێن ناکا. سەید عەبباس عێراقچی لەبارەی ئیدیعا باسکراوەکان لە دەرەوەی ئێران سەبارەت بە ناڕەزایەتییە ناوخۆییەکان وتی: پرسە ناوخۆییەکانی ئێران پەیوەندیی بە کەسەوە جگە لە خەڵکی ئێران نیەو لە هاریکاریی نێوان حکومەت و خەڵکدا، چارەسەر دەبێ.