وەزیری دەرەوەی ئێران لە پەیوەندیی تەلەفۆنیی جیاجیادا لەگەڵ هاوشانی عومانی و سعودیی خۆی، جەختی کرد لەسەر پێویستیی بەهێزترکرانی هاوکارییەکان و پێشخستنی هەوڵی دیپلۆماسییانەی هاوبەش بۆ دامەزرانی سەقام و ئارامی لە ناوچەکەدا.

عەباس عەراقچی، وەزیری دەرەوەی کۆماری ئیسلامیی ئێران لە دوو پەیوەندیی تەلەفۆنی جیاجیادا لەگەڵ بەدر بوسەعیدی و فەیسەڵ بن فەرحان، وەزیرانی دەرەوەی عومان و سعودیا ، لەگەڵ پێداچوونەوە بە دوایین پێشهاتە دوو لایەنە و ناوچەییەکاندا، جەختیشیان کرد لە سەر پێویستی بەهێزترکردنی هاوکاری و پێشخستنی هەوڵی دیپلۆماسییانەی هاوبەش لەپێناو دامەزراندنی سەقامگیری لە ناوچەکە و نەهێشتنی نائەمنیی سەپێنراو بە سەر گەرووی هورموزدا کە سەرچاوەی دەگەڕێتەوە بۆ شەڕنانەوە و دەسدرێژییەکانی ئەمریکا.