نەخۆشیی گەنم بە چ هۆیێکەوە دەردەکەوێت؟
نەخۆشیی گەنم کێشەیەکە لە هەرسکردنی ماددەی گڵوتین کە پرۆتینێکە لە خواردندا و بەتایبەت لەوانەی کە گەنم لە پێکهاتەکەیاندا هەیە وەکو نان و هەندێ جۆری پسکیت و مەعکەرۆنی.
کاتێک کەسێکی تووشبوو بە نەخۆشیی گەنم شتێک دەخوات کە ماددەی گڵوتینی تێدا بێت، ئەوا لەشی کاردانەوەیەکی زۆری بۆ پرۆتینەکە دەبێت و مەمیلەکانی لەکار دەخات - مەمیلە پێکهاتەیەکی دەرپەڕیوی بچووکی شێوە پەنجەییە و لە دیواری ڕیخۆڵەباریکەدا بوونیان هەیە - کاتێک مەمیلەکان تێکدەچن، ڕیخۆڵەباریکە ناتوانێت بەتەواوی ماددەی پێویست بمژێتەوە و بەمەش بەدخۆراکی و کەمی چڕی ئێسک و لەبارچوون و نەزۆکی و تەنانەت نەخۆشیی دەماری و شێرپەنجەش ڕەنگە بەدوای خۆیدا بێنێت.
نیشانەکانی نەخۆشیی گەنم چین؟
- سەرئێشە.
- کەمخوێنی.
- با کردن.
- ئازاری ئێسک و جومگە.
- قەبزی.
- سکچوون.
- دڵەکزێ.
- دەرکەوتنی پەڵەی پێست کە جێیەکەی دەخورێت بەتایبەت لە ناوچەی قۆڵ و سەر و پشتدا.
- سەرئێشە و ماندوێتی.
- برینی ناودەم.
- دڵتێکچوون.
- تێکچوونی کۆئەندامی دەمار بە سڕبوون و مێروولەکردنی دەست و قاچ و تێکچوونی هاوسەنگی لەش و گۆڕانی ئاگایی.
- کەمبوونەوەی کێش.
- لە تەمەنی منداڵانیش دا ڕەنگە نیشانەی تایبەت دەربکەوێت وەکو تێکچوونی مینای ددان و دواکەوتنی گەشە و کێشە لە فێربوون و درککردن.
مەرج نیە ئەم نیشانانە بەیەکەوە دەربکەون و لەوانەیە نەخۆشەکە هەستی پێنەکات و بەمەش ناسینەوەی نەخۆشیەکە زەحمەت دەکات.
هۆکارەکانی توشبوون بە نەخۆشیی گەنم
توێژینەوەکان هۆکاری تەواوەتی تووشبوون بەم نەخۆشیەیان نەدۆزیوەتەوە و هەندێک لەوان پەیوەستی دەکەن بە جین و هۆکاری بۆماوەییەوە؛ لەوانەشە نەخۆشیی دیکەی وەکو خۆییە بەرگرییە نەخۆشیەکانی (ڕۆماتیزم و نەخۆشی شەکرەی جۆری یەکەم و هتد) پەیوەندیان هەبێت بە نەخۆشیی گەنمەوە.
لێکەوتەکانی نەخۆشیی گەنم
- - شێرپەنجەی ڕیخۆڵەباریکە.
- - تێکچوونی مینای ددان.
- - بەدخۆراکی.
- - نەخۆشیەکانی پەنکریاس.
- - لاوازبوونی ئێسک.
ئەوەی وەکو چارەسەری نەخۆشیەکە دانراوە دەرمان نییە بەڵکو گۆڕینی سیستمی خۆراکە بەشێوەیەک خاڵی بێت لە گەنم بۆ نموونە ماسی و پاقلەمەنییەکان و گوێز.
