سەرۆک کۆماری تورکیا و سەرۆک وەزیرانی بەریتانیا لە وتووێژێکی تەلەفونیدا، پرسەکانی گرینگی جێی سەرنجی دوو وڵاتیان لێک دایەوە.

بەپێی ڕاپۆرتی هەواڵدەریی ئاناتولی  لە ئەستەمووڵەوە،  نووسینگەی  سەرۆک کۆماری تورکیا لە بەیاننامەیەکدا ڕایگەیاند : لە وتووێژی  تەلەفونی شەوی سێ شەممە ی ڕەجەب تەیب ئەردوغان و ترێزا مەی  ، پێوەندی دوو لایەنە و گرینگترین پرس و رووداوەکانی ناوچەیی و نێونەتەوەیی لە وان سوریایان، لێک دایەوە.

بەپێی بەیاننامەی  نووسینگەی  سەرۆک کۆماریی تورکیا، ئەردوغان و ترێزا مەی  لەم وتووێژە تەلەفونییە پێوەندی ئابووری و بازرگانی هاوبەشی دوو وڵاتیان لێک دایەوە ولەسەر گرینگایەتی  سەرمایەدانانی بەرامبەر پێداگرییان کرد  . 

ئەردوغان و ترێزا مەی  ڕێککەوتن  ، کۆبوونەوەی هاوبەشی  وەزیرانی خەزانەداری و دارایی تورکیا و بەریتانیا بەم زووانە بەڕێوە بچێت .

سەرۆکی تورکیا وسەرۆک وەزیرانی بەریتانیا  هەروەها سەبارەت بە دوایین  گۆڕانکارییەکانی سوریا بەتایبەت ڕەوشی ناوچەی ئەدلیب وتووێژیان کرد  . 

بەپێی ڕاپۆرتەکان، سێ گۆشەی شەڕخوازەکان واتە ئەمریکا، بەریتانیا و فەرەنسا، دوای شکستی سیاسەتەکانی خۆیان لە سوریا جارێکی تر  خۆیان بۆ پەلاماری نوێ بۆسەر سوریا  بە بیانووی پڕوپووچی کەڵک وەرگرتنی دیمەشق لە چەکی شیمیایی، ئامادە  دەکەن . 

ئەمریکا، بەریتانیا و فەرەنسا ، چوارشەممە بیست و دووی ئووت لە بەیاننامەیەکی هاوبەش ، دیسان سوریای بە کەڵک وەرگرتن لە چەکی شیمیایی  تۆمەتبار کرد و وشدارییان دا  ئەگەر  پەلامارەکانی شیمیایی  ئیدعاکراو بۆسەر دیمەشق دووپات بێتەوە، وڵامی شیاو دەدەنەوە.

سێ گۆشەی  شەڕخوازی  ئەمریکا - فەرەنسا و بەریتانیا، بەرلەمەش  بەبیانووی  پروپووچی  پەلاماریان کردبووە سەر سوریا .