دەرکردنی دەیان پەنابەری ئەفغانی لە تورکیا
حکومەتی تورکیا بەردەوامە لە دەرکردنی پەناخوازان و 136 هاوڵاتی ئەفغانستانی بۆ وڵاتەکەیان گەڕاندەوە .
دەزگای کۆچبەری تورکیا ڕایدەگەیەنێت، لە سەرەتای ئەمساڵەوە تا ئێستا زیاتر لە ٢٨ هەزار و ٥٨١ هەزار کۆچبەریان دیپۆرت کردووەتەوە. ئەم ڕێژەیە بە بەراورد بە هەمان ماوەی ساڵی ڕابردوو بە ڕێژەی ٧٠% زیادی کردووە. زۆربەی ئەو پەنابەرانەی لە تورکیا دیپۆرتکراونەتەوە، خەڵکی ئەفغانستان بوون.
لە تورکیا لە ماوەی چەند مانگی ڕابردوودا ئۆپەراسیۆنەکان بۆ ناسینەوە و دەرکردنی پەناخوازان بە تایبەت پەنابەرانی ئەفغانستانی چڕتر بووەتەوە.
بەپێی ڕاپۆرتی ئاژانسی هەواڵی ئەنادۆڵ، دوێنێ هەینی پۆلیسی پارێزگای کۆجائێلی تورکیا ڕایگەیاند: ١٣٦ ئەفغانستانی دوای تەواوکردنی پرۆسەی یاسایی لە ناوەندی ڕادەستکردنەوەی هاووڵاتیانی بیانی بە گەشتی چارتەر لە فڕۆکەخانەی جەنگیز تۆپاڵی ئەم پارێزگایەوە گەڕێنرانەوە بۆ وڵاتەکەیان.
