وتەبێژی وەزارەتی دەرەوەی تورکیا لێدوانەکانی ماکرۆن سەبارەت بە هەندێک وڵات لەوان تورکیا لە کاتی گەشتەکەیدا بۆ جەزائیری بە "مایەی داخ و مخابنی زۆر" ناوبرد.

ئیمانوێل ماکرۆن لە میانی سەردانەکەیدا بۆ گۆڕستانی مەسیحی و جولەکەکان لە جەزائیر بە ڕۆژنامەنووسانی ڕاگەیاند کە تۆڕەکانی پەیوەست بە ڕووسیا و چین و تورکیا لە ئەفریقا پڕوپاگەندەی دژە فەرەنسا ئەنجام دەدەن.

تانزۆ بیلگیچ وتەبێژی وەزارەتی دەرەوەی تورکیا جەختی لەوە کردەوە: "ماکرۆن کێشەی هەیە لە ڕووبەڕووبوونەوەی ڕابردووی کۆلۆنیالی خۆی لە ئەفریقا و بە تایبەت جەزائیر، قبوڵ ناکرێت کە بیەوێت بە تۆمەتبارکردنی وڵاتانی دیکە لەوان وڵاتی ئێمە ،  ڕزگاری بێت لە ڕابردووی کۆلۆنیالیزم.

 وتەبێژی وەزارەتی دەرەوەی تورکیا گوتیشی: ئەگەر فەرەنسا پێی وایە لە کیشوەری ئەفریقا کاردانەوە لەدژی هەیە، پێویستە لە ڕابردووی کۆلۆنیالی خۆیدا بەدوای بنەچەی خۆیدا بگەڕێت و هەوڵی راستکردنەوەی بدات.