تیرۆری ناکامی وەزیری نێوخۆی پاکستان
May 07, 2018 09:39 Asia/Tehran
وەزیری نێوخۆی پاکستان لە هەوڵێکی تیرۆر رزگاری بوو .
بە پێی راپۆری سکای نیوز ، ئەحسەن ئیقباڵ رۆژی یەکشەممە لە ناوچەی ناڕاواڵی پەنجاب لە رۆژهەڵاتی ئەم وڵاتە لە لایەن کەسانی نەناسراو تەقەی لێکرا و پیلی کەوتەبەر فیشەک .
بە گوێرەی ئەم راپۆرتە ، ئەو دوای ئەم پەلامارە لە لایەن هێزە ئاسایشییەکانەوە گوازرایەوە بۆ نەخۆشخانە و بەرپرسانی پاکستانی وتوویانە مەترسی لە سەر نیە .
پۆلیسی پاکستان کەسی گومانلێکراوی کە نزیکەی بیست ساڵ تەمەنیەتی ، گرتووە و لێکۆڵینەوەی لە گەڵ دەکات .
دەووترێ وەزیری نێوخۆی پاکستان کاتێک کە کەوتە بەر ئەم پەلامارە چەکداریە ، لە دانیشتنێکی رامیری دا لە زێدەکەی خۆی لە ناوچەی پەنجاب بوو .
