داوای گۆترێش بۆ ئەنجامدارنی لێکۆڵینەوەی سەربەخۆ لە بارەی پەلاماری سەر نەوتبەرەکان
سکرتێری گشتیی رێکخراوی نەتەوەکان ئەنجامبوونی لێکۆڵینەوەی سەربەخۆیانەی داوا کرد لە بارەی پەلاماری سەر نەوتبەرەکان لە دەریای عوممان .
ئانتۆنیۆ گۆترێش رۆژی هەینی وێڕای شەرمەزار کردنی پەلاماری سەر دوو نەوتبەر لە دەریای عوممان ، گوتی دەبێ راستیەکان لە بارەی ئەم رووداوە کۆبکرێنەوە .
موحەمەد جەواد زەریف وەزیری دەرەوەی کۆماری ئیسلامیی ئێرانیش ، ئەم رووداوەی بە گوماناوی زانی و جەختی کردەوە لەسەر گەڵاڵەی پێشنیارکراوی ئێران لە بارەی پێکهاتنی کۆڕی وتووێژی ناوچەیی .
سەرلەبەیانی ڕۆژی پێنجشەممە دوو گەمیی نەوتهەڵگر کە باری وڵاتی ژاپۆنیان پێبوو لە دەریای عومان ئاوریان تێبەر بوو.
یەکەی گەڕان و ڕزگار کردنی دەریایی سەر بە ناوەندی بەندەرەکان و دەریاوانیی ئێران دەسبەجێ پاش ڕوودانی ئەو تەقینەوانە بە ڕزگار کردنی هەموو ستاف و سەرنشینانی ئەو دوو گەمییە، ئەوانی بۆ ئاراستە کردنی ڕاژەکاریی دەرمان و پزشکی باشتر بەڕێ کرد بۆ بەندەری جاسک هەڵکەوتوولە باشووری ئێران.
"مایک پۆمپێئۆ"ی وەزیری دەرەوەی ئەمریکا ئێوارەی پێجنشەممە بە بێ هێنانە ئارای هیچ چەشنە بەڵگە و سەنەدێک، ئێرانی بە بەرپرسی پەلاماردرانی ئەو دوو گەمییە نەوتهەڵگرە لە دەریای عومان ڕاگەیاند.
ئێرانیش خێرا بانگەشە بێ بنەماکانی ئەمریکا دژ بە تاران سەبارەت بە پەلاماردانی ئەو گەمییە نەوتهەڵگرانەی وەدرۆ خستەوە و وشداری دا بە وڵاتانی ناوچە کە بەرامبەر بە بۆسە و تەڵەی ئەو کەسانەی وشیار بن کە ئاڵۆز و ناپاوەجێ بوونی ناوچەکە بە قازانجیانە.
