خۆپیشاندان دژی کودیتاچیان لە میانمار
خۆپیشاندان لە میانمار دژی دەسەڵاتی سەربازیی و داخستنی هێڵەکانی ئینتەرنێت دەستیپێکردووە و دروشمی دژ بە دەسەڵات دەڵێنەوە.
بەپێی هەواڵێکی ماڵپەری سی ئێن ئێن، لە میانمار خۆپیشاندان دژی دەسەڵاتی سەربازی و داخستنی سەرجەم هێڵەکانی ئینتەرنێت و قورسبوونی ژیان دەستیپێکردووە.
خۆپیشاندەران بە دروشمی (بروخێ دەسەڵاتی لەشکەریە دیکتاتۆرەکان، سەرکەوتن بۆ دیموکراسیەت) بەردەوامن و داواکارن بە زوترین کات هێڵەکانی ئینتەرنێت بکرێنەوە و ژیان ئاسایی بکەنەوە.
ئەمە لە کاتێکدایە دوێنێ هەینی، لایەنێکی فەرمی ئەو وڵاتە رایگەیاند، فەرمانمان پێکراوە هێڵەکانی ئینتەرنێت و فەیسبووک و تویتەر رابگرین، ئەمەش نارەزایەتی لێکەوتۆتەوە و خەڵکی بە دیکتاتۆریەت ناوی دەبەن.
لە پاش کودەتا سەربازییەکەی رۆژی دووشەممە 1ی شوبات، میانمار بە تەواوی خامۆش ببوو، هیچ دەنگ و جوڵەیەکی ژیانی تێدا نەدەبینرا، شەقامەکان چۆڵ و کپکراوبوون، بەڵام لە ئێستادا خۆپیشاندان لە بەشێک لە ناوچەکان دەستیپێکردووە .
