وەفدی دانوستانکاری ئۆکراینی: مۆسکۆ رەزامەندی داوە لەسەر پێشنیارەکانی کیێڤ
نیسان 03, 2022 16:30 Asia/Tehran
سەرۆکی وەفدی دانوستاندنکاری ئۆکرانیی دەڵێت:" مۆسکۆ بەشێوەی "زارەکی" رەزامەندیی لەسەر ئەو پێشنیازانە دەربڕیوە، کە کیێڤ پێشکێشی کردوون بۆ کۆتاییهێنان بە جەنگی نێوانیان.
دەیڤید ئارخامیا، سەرۆکی وەفدی دانوستاندنکاری ئۆکرانیی بە میدیای وڵاتەکەی گوت، ئەگەرێکی زۆر هەیە کۆبوونەوەی نێوان ڤۆلۆدمیر زێلێنسکی، سەرۆکی ئۆکرانیا و و ڤیلادمیر پوتن، سەرۆکی روسیا، لە تورکیا بکرێت.
ئارخامیا وتیشی "روسیا وەڵامێکی فەرمیی لەسەر هەموو هەڵوێستەکان داوە، واتە ئەوان بە هەڵوێستی ئۆکرانیا رازین، بێجگە لە پرسی کریمیا."
بە وتەی سەرۆکی وەفدی دانوستاندنکاری ئۆکرانیی هەرچەندە هیچ پشتڕاستکردنەوەیەکی نووسراو نییە"، بەڵام لایەنی روسی بە "زارەکی" رەزامەندیی خۆی بە پێشنیازەکانی کیێڤ دەربڕیوە.
