بۆریس جۆنسن، سه‌رۆک وه‌زیرانی بەریتانیا گه‌یشته‌ کیێڤ و له‌گه‌ڵ ڤۆڵۆدیمیر زیلینسکی، سه‌رۆکی ئۆکرانیا کۆبووەوە.

میدیاکانی ئۆکرانیا بڵاویانکردەوە، دوێنێ شەممە بۆریس جۆنسن سەرۆک وەزیرانی بەریتانیا بەسەردانێکی ڕانەگەیەندراو گەیشتووەتە کیێڤ و لەگەڵ ڤۆڵۆدیمیر زیلینسکی سەرۆکی ئۆکرانیا کۆبووەتەوە.

هاوکات تاوەکو ئێستا زانیاری لەبارەی ناوەڕۆکی کۆبوونەوەکە بڵاونەکراوەتەوە.

ئەوەش لەکاتێکدایە، هەر دوێنێ هەریەکە لە ئۆرسۆلا ڤۆن دێرلاین سەرۆکی کۆمسیۆنی ئەوروپا و جۆزێف بۆرێل بەرپرسی سیاسەتی دەرەوەی یەکێتیی ئەوروپا سەردانی ناوچەی بوچایان کرد لە باکووری ڕۆژهەڵاتی کیێڤ، کە ڕوسیا تۆمەتبارە بە ئەنجامدانی “کۆمەڵکوژی” تێیدا.

ئەوەش لەکاتێکدایە بەهۆی پاشەکشەی ڕوسیا و کەمبوونەوەی مەترسییەوە شاندی ئەوروپی بێکێشە توانییان سەردانی کیێڤ بکەن.