دیترۆیت گەورەترین شاری ویلایەتی میشیگان لە ئەمریکا ، گۆڕەپانی خۆپیشاندانی بەرفراوان بوو بۆ پشتیوانیکردن لە فەڵەستین.

بە پێی ڕاپۆرتی هەواڵدەریی ڕادیۆو تەلەفزیۆنی ڕۆژی دووشەممە، سەدان ئەمریکی لە شاری دیترۆیت بۆ پشتیوانی لە گەلی فەلەستین خۆپیشاندانیان کرد.

خۆپیشاندەران کە ئاڵای فەلەستینیان بەدەستەوە بوو، وەک ناڕەزایەتییەک بەرامبەر بە کردەوەی ڕژێمی زایۆنی هاواری ئازادیی فەلەستینیان ھەڵدا.

ئەم خۆپیشاندانە لە سەروبەندی ڕۆژی جیهانیی قودس بەڕێوەچوو.

ئیمام خومەینی (ر.ە) لە ساڵی ١٩٧٩ دوایین هەینیی مانگی پیرۆزی ڕەمەزانی وەک ڕۆژی جیهانیی قودس ڕاگەیاندو لەو ساڵەشەوە لە شارە جۆربەجۆرەکانی جیهان ڕێپێوان بۆ پشتیوانی لە نەتەوەی فەلەستین لەم ڕۆژەدا بەڕێوە دەچێت و کردەوەی دوژمنکارانەی ڕژێمی زایۆنی لە دژی فەلەستین و مزگەوتی ئەقسا شەرمەزار دەکرێت.