ڕێکخراوی نەتەوەکان: کەرتی غەززە، شوێنی مەرگ و بێ هیوابوونە
یاریدەری ئەمینداری گشتیی ڕێکخراوی نەتەوەکان بۆ کاروباری مرۆیانەو یارمەتییە خێراکان، وێڕای وشداریدان لەبارەی ڕوودانی کارەساتێکی پاکپارێزی و تەندروستی لە کەرتی غەززە، وتی: کەرتی غەزە، بووە بە شوێنێک بۆ مردن و بێهیوایی.
مارتین گریفیس، یاریدەری ئەمینداری گشتیی ڕێکخراوی نەتەوەکان بۆ کاروباری مرۆیانەو یارمەتییە خێراکان، وتی: پاش تێپەڕینی سێ مانگ بەسەر پەلاماری سامناک لە حەوتی ئۆکتۆبردا، غەززە بووە بەشوێنێک بۆ مەرگ و بێهیوایی ، دەیان هەزار کەس کە زۆربەیان ژن و منداڵن، کوژراون یان بریندار بوون و هاوکات لەگەڵ ساردبوونی هەوا، زۆرێ لە خێزانە فەلەستینیەکان لە کەرتی غەززە، بێ ماڵ و حاڵ و پەرتەوازە بوون.
یاریدەری ئەمینداری گشتیی ڕێکخراوی نەتەوەکان بۆ کاروباری مرۆیانە پێی داگرت: ئەو ناوچانەی بە خەڵکی سیڤیل فەرمان دراوە بۆ پاراستنی گیانیان بچنە ئەوێ، تەواو ناهێمنن و بەردەوامیش بوردومان دەکرێن.
ئەو کاربەدەستەی ڕێکخراوی نەتەوەکان هەروەها وتی: ناوەندە پزشکییەکان لە کەرتی غەززە، لەبەر پەلاماری بەردەوامی رژیمی ئیسرائیل دان و نەخۆشخانەکانی ناوچەکەش پڕە لەو نەخۆش و بریندرانەی کە پێویستیان بە چارەسەریی و راژەکاریی پزیشکی هەیە.
ناوبراو وتیشی: کارەساتی تەندروستی و پاکپارێزی لە کەرتی غەززە خەریکە دەقەومێ.
