ژمارەیەک لە خەڵکی لەندەن دەستیان دایە خۆپیشاندان دژ بە سیاسەتی ترساندن لە ئیسلام و سیاسەتە نەژادپەرستانەکانی لقی ڕاستی توندڕەو لەم وڵاتەدا.

بەشداربووانی ئەم خۆپیشاندانە خوازیاری کۆتاییهاتنی نەژادپەرستی دەرهەق بە موسڵمانان و کۆچبەرانن. پۆلیس دەستی دایە گرتنی ژمارەیەک لە خۆپیشاندەران. سابی دەییر، سەرۆکی ڕێکخراوی بەرەنگاربوونەوەی نەژادپەرستی، وتی: "پلانی تووندڕەوەکان پەرەپێدانی نەژادپەرستیی پڕ تووند وتیژی دەرهەق بە موسڵمانان و بڵاوکردنەوەی هەستی ڕق و بێزاری دژ بە کۆچبەران و پەنابەرانە. ئێمە بۆ بەرەنگاربوونەوەی ئەو کردەوە و پلان و بەرنامانە خۆپیشاندانمان بەڕێوە بردووە."