ڤالێری گراسیمۆڤ سەرۆکی ئەرکانی گشتی هێزە چەکدارەکانی ڕووسیا ڕایگەیاند کە هێزەکانی ئەم وڵاتە بەردەوامن لە پێشڕەویکردن لە هەموو میحوەرەکانی هێڵی پێشەوەی شەڕ لە ڕۆژهەڵاتی ئۆکرانیا.

ڤالێری گراسیمۆڤ وتی: هێزەکانی ڕووسیا لە سەرەتای مانگی یەکەوە ١٧ ناوچەی نیشتەجێبوون و زیاتر لە  ٥٠٠ کیلۆمەتری چوارگۆشەی  زەوی و زارەکانی ناوچە ڕووسنشینەکانیان لە ئۆکرانیا ڕزگار کردووە. 

ناوبراو وتیشی کە خەریکی جێبەجێکردنی ئۆپەراسیۆنن بۆ فراوانکردنی پشتێنی ئاسایشی لە ناوچە سنوورییەکانی پارێزگاکانی سومی و خارکۆڤ. گراسیمۆڤ وتی: نزیکەی ٨٠٠ سەربازی ئۆکرانیا لە ناوچەیەکی نزیک کۆپیانسک لە پارێزگای خارکۆڤ  گەمارۆدراون.