موفتی و سەرۆکی کۆگەی ئایینی موسوڵمانەکانی ڕووسیا وتی : حەزرەتی ئایەتوڵڵا سەید عەلی خامنەیی ڕابەری موجاهیدی شەهیدی ئێران لە ماوەی ژیانیدا هەنگاوی بەرزی لە ڕێبازی لێکنزیککردنەوەی ئایینزا ئیسلامییەکان هەڵگرت.

 موفتی ئالبیر کرگانوف وتیشی: هەندێک کەس لە ڕۆژئاوا و بەتایبەت ئیسلام ناسانی  ڕۆژئاوا لە دەیان ساڵی ڕابردوودا هەوڵێکی زۆریان داوە بۆ ئەوەی کەلێنێکی قووڵ لەنێوان سوننە و شیعەدا دروست بکەن و ئەم جیاوازییە وەک دیوارێک نیشان بدەن  کە  تێپەڕبوون لێی مومکین نییە ، لە  حاڵێکدا کە لە واقیعدا شتی وا نییە. ناوبراو ڕاشیگەیاند: چالاکییەکانی ڕابەری شەهیدی ئێران و زانایانی مەزنی دیکە لەوان ڕابەری کۆچکردووی کۆماری ئیسلامی ئێران ، بە وردی  لە پێناو  ئاشکراکردنی هەوڵەکان بۆ  ناکۆکی نانەوە لە نێوان شیعە و سوننەدا بووە. موفتی ئالبیر کرگانۆڤ بە ئاماژەدان بەوەی بنەماڵەی ئایینی و ژیانی سادەی ڕابەری شەهیدی ئێران بابەتێکی  دیار و ڕوونە، وتی:  بەڕێزیان بە ئازایەتییەوە ئەم دونیایەی بەجێهێشت و شەهید بوو.