حەیدەر عەبادی : هەڵبژاردنی ئێراق سەرکەوتنێکی مەزن بوو بۆ دیمۆکراسی
سەرۆک وەزیرانی ئێراق ئەنجامی هەڵبژاردنی پەرلەمانی لە وڵاتەکەی بە سەرکەوتنێکی مەزن بۆ دیمۆکراسی لێکدایەوە .
بەپێی ڕاپۆرتی هەواڵدەریی مێهر، حەیدەر عەبادی ڕۆژی شەممە لە وتارێک دا لە ڕوژنامەی واشینگتۆن پۆست ئاماژەی کردە بەشدارانی ئازادانەی پیاوان و ئافرەتانی ئێراقی لە هەڵبژاردنی دوازدەهەمی مەی ئێراق و نوسی : ئەم ڕووداوە بووە هۆی شانازی ئێراقییەکان .
سەرۆک وەزیرانی ئێراق لەم وتارەدا وتیشی : سەرباری ئەوەی کە بەشداری لەم خولەی هەڵبژاردن ئەو جۆرە کە چاوەڕوان دەکرا نەبوو بەڵام بەشداران دەنگیان بە بەربژارانیان دا بە دوور لە ئەتن خوازی و تایفە گەری .
سەتی 44.5ی خاوەن مەرجانی دەنگدان لەم هەڵبژاردنە بەشدارییان کرد . بیست و چوارم لوێن ئێراقی خاوەن مەرجی دەنگدان بوون لە هەڵبژاردنی پەرلەمانی ئەم وڵاتە دا .
هەڵبژاردنی پەرلەمانیی ئێراق بە ئامادەبوونی بیست و حەوت هاوپەیمانیی هەڵبژاردن و 205 پارت و ڕەوتی سیاسی لە دوازدەی مەی بەڕێوە چوو .
لەنێوان 6999 بەربژار، 329 کەس رۆیشتنە پەرلەمانی ئێراق .
بەپێی دوا ئەنجامی پەرلەمانی ئێراق، هاوپەیمانیی سائێروون (موقتەدا سەدر) بە 54 کورسی، فەتح ( هادی عامری ) بە 47 کورسی ، نەسر ( حەیدەر عەبادی) بە 43 کورسی ، دەوڵەتی یاسا (نوری مالیکی ) بە 25 کورسی ، وەتەنییە (ئەیاد عەلاوی ) بە 22 کورسی، ڕەوتی حیکمەت ( سەید عەمار حەکیم) بە نۆزدە کورسی و قەرار (ئوسامە نوجەیفی ) بە 13 کورسی، زۆرترین پشکیان لە پەرلەمانی داهاتووی ئێراق دەبێت .
ئەمە یەکەمین هەڵبژاردن لە ئێراق دوای شکستی داعش بوو.
