SAHAR

بەپێی ڕاپۆرتی ھەواڵدەریی فارس، ڕۆژنامەی  سەعوودیی  «شەرقولئەوسەت»  ھەینیی ڕابردوو لە کاریکاتێرێکی سوکایەتیکارانەدا، ئایەتوڵڵا سیستانیی وەک ھۆکاری تێکدانی یەکگرتنی نیشتیمانیی ناساندبوو کە ئەمەش ناڕەزامەندیی گشتی و سیاسی لە نێوچینەجۆربەجۆرەکانی خەڵکی عێراقی لێ کەوتەوە.
 

«ھادی عامری» سەرۆکی ھاوپەیمانیی فەتح لە پەرلەمانی عێراق وێڕای ئیدانەکردنی سوکایەتی پڕکێشانەی ڕۆژنامەی سەعودیی «شەرقولئەوسەت»  وتی: ڕژێمی سەعودی جارێکی ھێڵی سوورو بەھاباڵاکانی گەلی عێراقی بەزاندووە.

 

«ئەحمەد ئەسەدی» نوێنەری پەرلەمانی عێراقیش وێڕای ئیدانەکردنی ئەم ھەنگاوەی ڕۆژنامەکەی سەعودی وتیشی: ھەوڵی دژی مەرجەعەکان بەردەوام لەو ڕوانگانەیە کە بەسەر بیرۆکەی عەرەبستانی سەعودی دا زاڵە.

 

«نەسر شمەری» وتەبێژی خۆڕاگریی ئیسلامیی نوجەبای عێراقیش لە توییتێزردا وێڕای ئاماژەکردن بەمەی کە ھەڵوێستە دژی شێعەکانی ئالی سەعودو بەکرێگیراوانی دیکەی ئەمریکاو ئیسرائیل دیاردەیەکی تازەو سەیر نییە، وتیشی: سەعودییەکان ھەر ئەو کەسانەن کە خوێنی پاکی موسڵمنانیان بە ناحەق ڕژاندووە.

 

لێکۆڵەری عێراقی و لە بەڕێوەبەرانی کەناڵی سومریەنیوزی عێراقیش لە کاردانەوەیەک دا بەرامبەر بە کرداری ڕۆژنامەی  سەعوودیی  «شەرقولئەوسەت» لەمەڕ بڵاوکردنەوەی کاریکاتێرێکی سوکایەتیکارانە لەبارەی «ئایەتوڵڵا سیستانی»ەوە، ئاوا ھەنگاوێکی بە دوژمنکارنەو بە ئەنقەست زانی.

 

«غەزوان جاسم» لە پەڕەی توییتێرەکەی خۆی دا نووسی: میدیاکانی سەعودی بەشێوەیەکی سەیروسەمەرە و ئامانجدارانە سوکایەتی بە کەسایەتییە عێراقییەکان دەکەن. سەرباری ھەوڵی دەوڵەت بۆ ھاریکاری لەگەڵ ڕیاز، کەچی ئەو میدیاگەلە ھیچ گۆڕانێکیان بەسەردا نەھاتووەو بەردەوام سوکایەتییان کردووە کە دوا نمونەشی سوکایەتییە پاسا ھەڵنەگرەکەی شەرقوائەوسەت بە ئایەتوڵڵا سیستانی مەرجەعی شێعەکانی عێراق بوو.

 

دیارە لایەنە بەرپرسەکان دەبێ لەم باترەیەوە ھەنگاوی یاسایی و بەرپەرچ دەرانە ھەڵگرن.