ھەڵمەتی بەرفراوانی ئەرتەشی عێراق لە باکووری بەغدا
کانونی دوھەم 30, 2021 20:40 Asia/Tehran
دژە تیرۆری عێراق باسی دەسپێکی ھەڵمەتی پاکتاوکردنی ناوچەکانی باکووری بەغدا دەکات لە پاشماوەکانی داعش .
بە پێی راپورتی بەغداد ئەلیەوم ، دژە تیرۆری عێراق ئەمڕۆ شەممە رایگەیاند ، قۆناغی دوھەمی ھەڵمەتی «ثأر الشهداء» کە لە حەوتەی رابردووەوە دەسپێبووە ، ئەمڕۆ بە دەستی دژە تیرۆر بە فەرماندەیی «عبدالوهاب الساعدی» فەرماندەی گشتیی ئەم ھێزە دەست پێبوو .
حەوتەی رابردوو تیرۆریستانی داعش پەلاماریان کردە سەر ھێزەکانی تیپی 22 ی رێکخراوی حەشدی شەعبی لە دەوربەری ناوچەی ئەلعەیس ی دەڤەری حەمرینی پارێزگەی سەلاحەدین و 11 کەس لە ھێزەکانی حەشدیان شەھید و 12 کەسیشیان بریندار کرد .
دوای ئەم پەلامارە ، یەکینە کانی ئەرتەشی عێراق و حەشدی شەعبیی عێراق ھەڵمەتێکی بەرفراوانیان بۆ تۆڵەی ئەم شەھیدانە دەسپێکرد کە ھەروا بەردەوامە .
