جڤینی سەرانی سێ وڵاتی میسر و عێراق و ئەردەن لە بەغدا رۆژی یەکشەممە بە دەرکردنی بەیاننامەیەک کۆتایی بە کاری خۆی هێنا .

بە پێی راپۆرتی هەواڵدەریی فەڕەنسە ، مستەفا کازمی سەرۆک وەزیرانی عێراق رۆژی رابردوو میوانداری عەبد فەتاح سیسی سەرۆکی میسر و عەبدوڵڵای دوهەم شای ئەردەن بوو .

لە بەیاننامەی کۆتایی کۆبوونەوەی سێ قۆڵیی لە بەغدا هاتووە سەرانی ئەردەن و میسر رێزیانگرت لە هەوڵە دیپلۆماتیکیەکانی حکومەتی عێراق بۆ داکۆکیی لە ئاسایش و سەقامی ناوچەکە و هەوڵەکانی بۆنزیک کردنەوەی روانگەکان بۆ نەهێشتنی ناکۆکیەکان و کۆتایی هێنان بە قەیرانەکانی ناوچەکە .

 ئەم بەیاننامەیە دەشڵێ : ئەم جڤینە لە چوارچێوەی گرنگیدانی سێ وڵات بە بەهێزکردنی هاوبەشیی سێ وڵاتی عێراق و ئەردەن و میسر و بە پێی میکنیزمی هاریکاریی سێ قۆڵیی نێوان ئەوان و بە پێی خواستی راستگۆیانەی سێ وڵاتی برا بەڕێوەچووە .

 ئەوان هەروەها جەختیانکردەوە لەسەر پتەوکردنی هاریکاریی لە بواری جیاجیای سیاسی ، ئابووری ، بازرگانی ، پیشەسازیی ، ئاسایشی و هیتر .