مەرجەعی باڵای شیعەکانی عێراق لە پەیامێکدا داوای کۆتایی هێنان بە پێکدادانەکانی عێراقی کرد.

بە پێی ڕاپۆرتی ئێران پرێس، ڕۆژی سێ شەممە، ئایەتوڵڵا "عەلی سیستانی" مەرجەعی باڵای شیعەکانی عێراق ڕایگەیاند: بە پێی شەریعەتی ئیسلامی پیرۆز شەڕ و ململانێ و خوێنڕشتن لە دوو مانگی موحەڕڕەم و سەفەردا حەرامە.

بە گوێرەی ئەم ڕاپۆرتە، ئایەتوڵڵا سیستانی ئەو تێکھەڵچوونانەی کە لە عێراقدا ڕوویان داو هاوکات بوو لەگەڵ ئەربەعینی حسەینی بە حەرام زانی و هەمووانی بۆ برایەتی بانگێشتن کرد.

مەرجەعی باڵای شیعەکانی عێراق ڕوونیشی کردەوە کە ئێمەی شیعە تازیەداری سەروەرو سالاری شەهیدانی حسەینی کوڕی عەلی (ع)ـن، ئەم جۆرە جم و جوڵە دژی ئایینی و دووبەرەکی سازکەرانە بە پێچعوانەی شەریعەتی ئیسلامن.