پرسی سنوور تەوەرەی وتووێژی باڵوێزی ئێران لە بەغدا بوو لە گەڵ لایەنی عێراقی دا
«محەممەد کازم ئالی سادق» باڵوێزی کۆماری ئیسلامیی ئێران لە عێراق ئێوارەی ڕۆژی یەکشەممە ڕایگەیاند کە، لەگەڵ لایەنی عێراقی سەبارەت بە پرسی سنوور وتووێژی کردووە.
بە پێی ڕاپۆرتی ئیرنا، «محەممەد کازم ئالی سادق» باڵوێزی کۆماری ئیسلامی ئێران لە بەغدا ڕۆژی شەممە لە چاوپێکەوتنێکدا لەگەڵ کەناڵی ئەلعەھدی عێراقی سەبارەت بە دانوستانەکانی نێوان ئێران و عێراق ڕایگەیاند: داوامان لە لایەنی عێراقی کردووە کە سنوورەکان لە ڕێگەی حکومەتی ناوەندیی ئەم وڵاتەوە کۆنترۆڵ بکات، چونکە سنوورەکان لەلایەن لایەنی عێراقییەوە کۆنترۆڵ ناکرێن.
وتیشی: داوامان لە حکومەتی عێراق کردووە کە خشتەیەک دیاری بکات بۆ جێبەجێکردنی پرسی چەکداماڵینی نەیاران، واتە ئەو تاقم و گروپانەی دژبەری کۆماری ئیسلامی کە لە باکووری عێراق دا سەقامگیرن.
ئالی سادق وتی: هەروەها داوای لەچەک داماڵرانی نەیاران و گەڕانەوەیان بۆ کەمپەکانمان کردووە وەک پەنابەر.
باڵیۆزی ئێران لە بەغدا لە درێژەی قسەکانیدا جەختی لەوەش کردەوە کە، حکومەتی عێراق ڕەزامەند بووە بە دوو داواکاریمان و بۆ پرسی چەک داماڵین داوای دەرفەتی کردووە.
بابەتی گۆڕینەوەی کەسانی داواکراوایش لەسەر بنەمای لێکگەییشتنی نێوان سیستمی دادوەریی عێراق و ئێران تەوەرەیەکی دیکەی ئەم کۆبوونەوەیە بووە کە بە تێروتەسەلی گفتوگۆی لەسەر کراوە.
