هەندێک سەرچاوە باسی بەرز بوونەوەی دەنگی قیژۆکیان کردووە لە نێو بنکەی سێیەمی تەوحید لە بەشی سەربازیی باڵوێزخانەی ئەمریکا لە بەغدا.

بەگوێرەی ڕاپۆرتی ئیرنا، ئێوارەی ڕۆژی چوارشەممە ، دەنگی قیژۆک لە نێو بنکەی سێیەمی تەوحید ھەڵکەوتوو لە بەشی سەربازیی باڵوێزخانەی ئەمریکا لە ناوچەیەکی بەغدا، کە ژمارەیەک لە هێزە سەربازییەکان و سیستەمی بەرگریی ئەمریکای تێدا جێگیرن، بەرز بووەوە.

تا ئێستا هیچ ڕاپۆرتێک سەبارەت بە ڕووداوەکانی پەیوەست بە بەرز بوونەوەی دەنگی قیژۆک لە بنکەی سێیەمی تەوحید بڵاونەکراوەتەوە.

ئەمە لە کاتێکدایە کە باڵوێزخانەی ئەمریکا لە بەغدا لە سەرەتای ساڵی ٢٠٢٠ەوە چەندین جار بووەتە ئامانجی هێرشی موشەک و ڕۆکێت.