300 بنەماڵەی داعش دەگەڕێنەوە عێراق
May 23, 2023 17:05 Asia/Tehran
بەرپرسێکی عێراقی گەڕانەوەی نزیکەی 300 بنەماڵەی داعشی له ئۆردوگای ئەلهۆلی سوریا بۆ عێراق ڕاگەیاند.
بەگوێرەی پێگەی هەواڵدەریی ئەلمەعلومە، سەرچاوەیەکی باڵای ئەمنی لە پارێزگای ئەنبار لە عێراق ڕایگەیاند: بەم نزیکانە 300 بنەماڵەی تیرۆریستیی داعش لە کەمپی ئەلهۆڵ لە سوریا دەگوازرێنەوە بۆ کەمپی ئەلجەدعە لە پارێزگای موسڵی عێراق.
ئەم سەرچاوە ئەمنییە ڕاشیگەیاند: هێزە ئەمنییەکانی عێراق بە هەماهەنگی لەگەڵ لایەنی سوریا ئامادەن پێشوازی لە گەورەترین گروپی بنەماڵە تیرۆریستییەکانی داعش بکەن و ئەو خێزانانەش دوای گەیشتنیان بە کەمپی ئەلجەدعە دەگوازرێنەوە بۆ پارێزگای ئەنبار و ناوچەکانی تر.
ئەم بەرپرسە ئەمنییەی عێراق جەختی لەوەش کردەوە: زۆربەی ئەو بنەماڵانە لە سەرکردەکانی داعشن و بە تاوانی دڕندایەتی دژی هێزە ئەمنییەکان و خەڵکی ئاسایی عێراق دادگایی دەکرێن.
