وەزارەتی دارایی عێراق دەستی بە خەرجکردنی مووچەی مانگی چواری مووچەخۆرانی هەرێمی کوردستان کرد.

وەزارەتی دارایی عێراق بڵاوی کردووەتەوە، لەسەر رێنمایی سەرۆک وەزیران و بە رەزامەندی تەیف سامی، وەزیری دارایی عێراق، هەروەها بە پشتبەستن بە نووسراوی دادگای فیدراڵی، بەڕێوەبەرایەتی ژمێریاریی وەزارەتی دارایی، پارەی مووچەخۆرانی هەرێمی کوردستانی ناردووە.

هەروەها روونیش کراوەتەوە، ئەوەش لەچوارچێوەی دابینکردنی پارە بۆ مانگی نیسانی ساڵی 2024. وەزارەتی دارایی عێراق ئاماژەی بەوەش کردووە، مووچەی مووچەخۆرانی مەدەنی، چاودێری و گەشەپێدانی کۆمەڵایەتی، خانەنشینانی مەدەنی و سەربازیی، کاروباری شەهیدان و ئەنفالکراوان، گرێبەست و بەڕێوەبەرایەتییەکانی هەرێمی کوردستان نێردراوە.