داواکاری لە پەرلەمانی عێراق بۆ بەڕێوەبردنی بەرپرسایەتی خۆی بەرامبەر داگیرکرانی ناوچەگەلێکی باکووری ئەم وڵاتە لەلایەن تورکیاوە
ئەندامێکی هاوپەیمانی دەوڵەتی یاسا لە ئێراق وتی : پەرلەمان ئەبێ ناڕەزایەتی خۆی بەرامبەر هەڵوێستی ئێستای بەغدا لەسەر داگیرکرانی ناوچەگەلێکی باکووری ئێراق لەلایەن تورکیا، دەرببڕێ .
سەعد موتەلیبی ئەندامی هاوپەیمانی دەوڵەتی یاسا وێڕای ڕەخنەگرتن لە هەڵوێستی دەوڵەتی ئێستای ئێراق لەبارەی داگیرکرانی ناوچەگەلێکی باکووری ئەم وڵاتە لەلایەن تورکیا و دەستدرێژکارییەکانی کوێت بۆسەر ناوچەکانی دەورووبەری مەیدانی نەوتیی نەواخزە وتی : پەرلەمان دەبێ بەرپرسایەتی خۆی بەرامبەر ئەو شتانەی خەریکە لە ئێراق ڕوو دەدات قەبووڵ بکات .
ئەم ئەندامەی هاوپەیمانیی دەوڵەتی یاسا لە وتووێژێک دا بە ڕاگەیاندنی ئەمەی پەرلەمان گرینگایەتی ناداتە کەمتەرخەمییەکانی دەوڵەتی ئێستا لەمەڕ ڕووداوەکانی ئەم وڵاتە و پرسی سەربەخۆیی هێزە سێ یانەکان، و تی : سەرباری خاڵی ئاشکرای دەستووری ئێراق سەبارەت بە پێویستیی ئیستیزاحی سەرۆک وەزیرانی ئێراق لەلایەن پەرلەمانەوە، ئەم پەرلەمانە بەرپرسایەتی خۆی لەبارەی هەڵس و کەوتی ئێستا دەوڵەتی ئێراق بەرامبەر داگیرکرانی ناوچەگەلێکی باکووری ئێراق لەلایەن تورکیا و دەستدرێژکارییەکانی کوێت بۆسەر ناوچە سنوورییەکانی دەورووبەری مەیدانی نەوتی نەواخزە، جێ بەجێ ناکات.
