ڕاوێژکاری ئاسایشی نیشتمانیی عێراق ڕاگەیاند کە عێراق ناچێتە ژێر باری هیچ چەشنە ئامادەبوون یان پەیوەندی لەگەڵ کەسانێکدا کە دەستیان هەبووە لەو جەنایەتانەی دژبە خەڵکی عێراق کراوە.

قاسم ئەعرەجی ئاماژەی بەوەدا کە ئەبوو محمد جۆلانی ئەندامی داعش بووە و بەشدار بووە لە کوشتاری عێراقییەکاندا و دەستی سوورە بە خوێنی خەڵکی عێراق. ئەعرەجی هەروەها ڕاشیگەیاندووە کە ڕێکخراوی حەشدی شەعبی هەرگیز هەڵناوەشێتەوە، لەبەر ئەوەی کە گەرەنتییەکە بۆ سوپا و ئاسایشی عێراق.