سەرۆک وەزیرانی عێراق ڕایگەیاند کە درانی مووچەی فەرمانبەران و بودجەی هەرێمی کوردستان تەنیا کاتێک جێبەجێ دەکرێ کە هەولێر هەموو داهاتە نەوتی و نانەوتییەکان ڕادەستی حکومەتی عێراق بکا.

"محەممەد شیاع سودانی" وێڕای پێداگریی لەسەر پێبەندبوونی هەرێمی کوردستان بە ڕێککەوتنی نەوتی، وتی: ئەو مەرجە بۆ لەبەرچاوگرتنی یەکسانیی نێوان پارێزگاکان، پێویستە. سەرۆک وەزیرانی عێراق ڕێککەوتنی ئەم دواییەی بەغدا، هەولێر و کۆمپانیا نەوتییەکانی بە هەنگاوێکی گرینگ زانی بۆ پەسەندکرانی یاسای نەوت و گاز. سودانی جەختیشی کرد؛ دەبێ ناکۆکییەکان وەک بابەتێکی مافەوانی-تەکنیکی لەبەرچاو بگیردرێ، نەک وەک پرسێکی سیاسی.