سکرتێری گشتیی ڕێکخراوی بەدری عێراق پێیداگرت کە هەرچەشنە خۆوەردانی بیانی لە پرۆسەی پێکهاتنی حکومەت قبووڵنەکراوە.

هادی عامری، لە وەڵامی هەڕەشە ئابووری و داراییەکانی ئەمریکا بۆ سەر عێراق ڕایگەیاند: بە توون! با وابێت. ئێمە بەهەرحاڵ ڕێگە نادەین و ناهێڵین هیچ دەستوەردانێکی بیانی لە پرۆسەی پێکهێنانی حکومەتی داهاتوودا بکرێت. عامری وتیشی: ئەنجامدانی هەڵبژاردن سەرکەوتنێکی گەورەیە بۆ عێراقییەکان و ئێمە متمانەی زۆرمان بە کۆمسیۆنی باڵای سەربەخۆی هەڵبژاردنەکان هەیە تا بە لەبەرچاوگرتنی هەستیاریی دۆخەکە، گرینگایەتییەکی تایبەت بدات بەم هەڵبژاردنانە لە چاو هەڵبژاردنەکانی پێشوو. عامری ڕاشیگەیاند: ئومێدێکی زۆرمان بە گەلی عێراق هەیە کە چالاکانە و جددی بەشداری هەڵبژاردنەکان بکەن و هیوای سەرکەوتن بۆ هەموو لایەک دەخوازین.